İşğal etilgen Qırımda rusiyeliler 168 qırımlı siyasiy mabüsni qanunsız bir şekilde tuta, dep bildirdi Qırımtatar Resurs Merkeziniñ (QRM) yolbaşçısı Eskender Bariyev «Espresso» telekanalına bergen intervyüsında.
«Al-azırda 168 insan azatlıqtan marum etüv yerlerinde buluna, yani esirlikte ve SİZOda – qırımlı siyasiy mabüsler. 119-ı – tamır qırımtatar halqınıñ vekilleridir», – dep qayd etti o.
Eskender Bariyevniñ qayd etkenine köre, Ukrayınanıñ cenübinde rusiyeliler 290 insannı hırsızladı. 60-tan çoq rusiyeli azat etildi, qalğanları işğal altındaki Qırımnıñ SİZOlarında buluna.
Qırımtatar resurs merkezi bu yılnıñ ilk üç ayı içinde Rusiye uquq qoruyıcıları işğal etilgen Qırımda 49 qırımtatarını tuttı, dep bildirgen edi.
2022 senesi dekabr ayında yañartılğan BM Baş assambleyasınıñ Rusiye ilhaq etken Qırımda ve Aqyarda insan aqları vaziyeti qararında «Qırımda sebepsiz tutuvlar, Qırımğa ve Qırımdan zornen avuştıruv», hırsızlav, «filtratsiya tedbirleri» takbih etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
