Raatlıq künleri Qırımda ava arareti 29 derecege qadar tüşecek. Bunı Qırım gidrometeomerkeziniñ başı Tatyana Lübetskaya bildire.
"Yaqın künlerde ava arareti 30-35 derecede olacaq. 35 derece - bu çölde ve dağ eteginde, yüksekçe araret - Aqmescit, Seyitler, Aqmeçit rayonlarında, deñiz yanında ise alçaqça - 30-32 derecede. Amma bular anomal bir şey degildir. Biz Qırımda yaşaymız ve kimerde tropik avanıñ kelmesi - tabiiy bir şeydir. Cumaertesi ve bazar künleri ava arareti tüşecek. Raatlıq künleri 25-30, 24-29 derecede sıcaq olacaq. Üç kün devamında 30-dan aşağı olacaq, ondan soñ kene 30-34 derece", - aytıp berdi Lübetskaya.
Sinoptikler, Qırımda bu künleri +36 derecege qadar sıcaq ola bile ve kündüz ava arareti maksimumğa yete bile, dep haber ete yarımada gidrometeomerkezi.
