Bazaertesi künü, iyün 15-inde Qırımda yağmur ve afat tahmin etile, bazı yerlerde küçlü yel olacaq. Bunı yerli Gidrometeomerkeziniñ matbuat hızmeti bildire.
Aqmescitte deñişici bulutlılıq tahmin etile. Gece yağanaqlarsız, kündüz qısqa vaqıt yağmur, afat. Cenüp-ğarbiy yel 7-12 m/s. Ava arareti gece +14…+16°; kündüz +25…+27° derecede.
Sinoptiklerniñ tahminlerine köre, Aqyarda deñişici bulutlılıq, yağanaqlarsız. Cenüp-şarqiy yel 5-10 m/s. Ava arareti gece +16…+18º, kündüz +24…+26°.
Qırımnıñ Cenübiy yalısında - deñişici bulutlılıq, gece qısqa vaqıt yağmur, kündüz bazı yerlerde sağanaqlar, iri burçaq, 7-212 m/s qadar yel. Cenüp-ğarbiy yel 8-13 m/s. Ava arareti gece +17…+19°; kündüz +26...+28°.
Keriçte de deñişici bulutlılıq, kündüz bazı yerlerde yağmur. Cenübiy, cenüp-ğarbiy yel 6-11 m/s. Ava arareti gece +18…+20°, kündüz +28…+30°.
