İlhaq etilgen Qırımda ava araretiniñ dereceleri yaqın vaqıtta sıfırda yuqarı köterilecek. Bunı yarımadanınıñ gidrometeorologiya merkeziniñ reberi Tatyana Lübetskaya haber etti.
"Aftanıñ soñuna qadar sıcaq Atlantikadan kelgen ava qış ve qarnıñ kelmesine yol bermez. Aqmescitte yağğan qar iricek. Bütün Qırımda sıcaq ve suvuq ava aqıntıları keçecek. Cuma künü 3-8 derecede sıcaq beklenile, gece -3 derecege qadar ayazlar", - aytıp berdi Lübetskaya "Krıminform" haber agentligine.
Onıñ aytqanına köre, yarımadada araret "salıncaq"ları başlandı - raatlıq künlerinde kene frontal bölüm beklenile. Yanvarniñ 11-inde 4-9 derecede sıcaq, yanvarniñ 12-sinde sıfırdan yuqarı 2-7 derece tahmin etile. Kelecek aftada 7-12 derecege qadar sıcaq tahmin etile. Gece avası -2...+3 derecelerinde olacaq.
Lübetskayanıñ malümatına köre, Ay Petri yaylasında 16 sm, Anğara boğazında 3 sm ve Qarabiy yaylasında 20 sm qar yağdı. Aqmescitte ise sadece 1 sm.
