İslâmiy ekstremistler, Sinay yarımadasınıñ şimaliy qısmında (Mısır / Yegipet) kiriş-çıqış noqtasını ücüm etti, eñ azından 10 polis öldürilgen. Bu aqta yerli akimiyet bildirmekte.
Memurlarğa köre, öldürilgenlerniñ arasında eki zabir bar, dep bildire Azatlıq Radiosı.
Şimdilik iç bir gruppa üçüm içün mesüliyetni özüne almadı.
Memurlar matbuatqa aytıp bergeni kibi, aydutlar zırhlı maşnanen sahrağa qaçmağa tırıştı, amma arbiy uçaq olarnıñ izine tüşti, bunıñ neticesinde eñ azından beş ücümci öldürildi.
2018 senesi Mısır Silâlı Quvetleri ve İçki İşler Nazirligi, Sinay yarımadasınıñ şimaliy ve merkeziy qısımlarında, Mısırnıñ Ğarbiy sahrasında ve Nil özeniniñ deltasında “Sinay-2018” terrorcılıqqa qarşı operatsiyanı keçirdi. O vaqıt Ukraina TİN ukrainlerge, Mısırğa ziyaretke azırlanğanda, havfsızlıq alını közde tutmağa tevsiye etti.
