Ukraina Yuqarı Radasında noyabrniñ 6-nda Avropa Şurasınıñ destegi ile «Ukrainada jurnalist faaliyetiniñ telükesizligi: vaziyeti, problemleri ve olarnı al etüv yolları» parlament diñlevleri keçirilmekte.
Ukraina parlamentinde Azatlıq Radiosınıñ «Shemı» leyhasınıñ jurnalisti Mıhaylo Tkaç ve Qırım.Aqiqat leyhasınıñ reberi Volodımır Prıtula çıqışta bulunalar.
Canlı yayınnı «Shemı» leyhası Facebookta köstere.
Mıhaylo Tkaç zenaat aqqı aqqında tarif etecek. Qırım.Aqiqat leyhasınıñ reberi Volodımır Prıtula ise çıqışınıñ mevzusı Rusiyeniñ Qırım işğalinden soñ beş yıl devamında leyhanıñ işi ve problemleri olacaq, dep tarif etti.
«Shemı: habarcılıqnınö tafsilâtları» – jurnalist tahqiqatları programması, yüksek akimiyette habarcılıq tapa. Azatlıq Radiosı ve «UA: Perşıy» telekanalınıñ ortaq leyhasıdır, er cumaaqşamı künü saat 21:45-te «UA: Perşıy» telekanalında yayınlana.
Qırım.Aqiqat – Azatlıq Radiosınıñ ukrain hızmetiniñ Qırım leyhası – 2014 senesi mart ayında işğalden soñ ve Rusiyeniñ Qırım ilhaqı vaqtında çalışıp başladı. Bugünde-bugün Qırım.Aqiqat eñ populâr Qırım haber saytlarından biri ola, bir ay içinde onı eki-eki buçuq million kişi oquy. Ukraina Kütleviy haber institutınıñ malümatına köre, Qırım aqqında malümatnıñ 18%-nı ukrain kütleviy haber vastaları Qırım.Aqiqat saytından ala.
