Ukrayina uçucısızları oktâbrniñ 1-ne keçer gecesi işğal etilgen Qırımğa ücüm etti. "Krımenergo" Rusiye müessisesi energetika obyektleri ücümge oğradı, mesken yerlerniñ bir qısmı elektriksiz qaldı, dep bildirdi. Tam malümat olmadı.
"Krımskiy veter" telegram kanalı yerli sakinlerniñ malümatına esaslanıp haber etkenine köre, seyitler qasabasındaki büyük alt stantsiyağa darbe endirildi, dep bildirdi.
Kanal malümatına köre, Ermeni Bazarda, Aqmeçit qabasında, Curçı rayonınıñ bir qaç köyünde, Or Qapıda ve Or Qapı rayonında elektrika yoq.
Yanğın Strelkovoye köyündeki "Ostrava" raatlıq bazasında qayd etildi. Büyük istilâ başlağanından Rusiye arbiyleri Arabat belindeki şifahane ve raatlıq bazalarını qullana, Ukrayina arbiyleri olarğa ura.
Rusiye Mudafaa nazirligi bu malümatnı izaatlamadı. Cenk vaziyetinde Qırım.Aqiqat bu malümatnı mustaqil şekilde teşkerip olamadı.