Rusiye uquq qoruyıcıları Sevmorzavodnıñ bazı hadimleriniñ evlerinde tintüv keçire ve olarnı tuta, lâkin telâş çıqmasın dep, bunı gizleyler. Bu aqta Ukrayına prezidentiniñ Qırım Muhtar Cumhuriyetindeki daimiy temsilcisiniñ muavini Denis Çistikov «Suspilne» içün bergen izaatlarında ayttı.
«İşğalciler patlavlardan soñ (Sevmorzavod – QA) hadimler arasında qıdırıp başladı. Tutulğanlar bar, amma bu şahıslarnı aytmaylar. Vaqtınca işğal etilgen Qırım ealisi telâşlanmasın dep, şimdi insanlar tutulğanını gizleyler», – dep ayttı Çistikov.
Ukrayına prezidentiniñ Qırım Muhtar Cumhuriyetindeki temsilciligi Rusiye uquq qoruyıcıları qırımlılarnıñ evlerini tintti ve tuttı, dep bildirgen edi.
Aqyarda sentâbrniñ 13-ne keçer gecesi küçlü patlavlar oldı, ateş ve tuman oldı. Üç yerde yanğın çıqtı. Episi Aqyar deñiz zavodında oldı: eki danesi Cenübiy körfezde ve bir danesi Gemi körfezinde. Bu malümatnı spetsializirovannom resurse firms.modaps.eosdis.nasa.gov resursındki uydu çekimleri isbatlay.
Rusiye Mudafaa nazirligi Ukrayına Silâlı quvetleri 10 qanatlı raketa ve idarecisiz katernen darbe endirdi, dep bildirdi. Müessise eki Rusiye arbiy gemisi zarar körgenini tasdıqladı. Aqyarnıñ Rusiye akimiyeti 24 kişi yaralandı, dep bildirdi.
Ukrayına istihbaratı Rusiyeniñ büyük desant gemisi ve sualtı qayığı zarar kördi dep, olarnı rusiyeliler büyük ihtimalnen ğayrıdan tiklep olamaz, dep bildirdi.
Rusiye kütleviy haber vastaları, hususan Baza Telegram kanalı menbalarına esaslanıp, Aqyarğa qarşı ücüm neticesinde «Minsk» desant gemisi ve «Rostov-na-Donu» dizel-elektrik suvaltı qayığı zarar kördi, dep bildireler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
