Kyivniñ «Jovten» kinoteatrinde (Kyiv ş., Konstantinovskaya soq., 26) iyünniñ 2-nde saat 10-dan 13-ke qadar Qırım.Aqiqat (Azatlıq Radiosı) leyhasınıñ «Sessiz sürgünlik» vesiqalı filmi kösterilecek, Docudays UA 21-inci Halqara insan aqları vesiqalı kino festivaliniñ RIGHTS NOW! aq qorçalayıcı programması çerçivesinde munaqaşa keçirilecek.
Munaqaşada film müellifleri iştirak etecek:
• Dmitriy Culay – rejisser-stsenariyci;
• Nikita İsayko – operator;
• Anjelika Rudenko – jurnalist-muarrir;
• Elvina Seitbullayeva – prodüser.
Tedbirde qırımtatar halqınıñ milliy lideri, Ukrayına halq deputatı Mustafa Cemilev, talilci, Qırım meselesinde ekspert Yuliya Tişçenko, Qırımtatar Milliy Meclisiniñ reisi Refat Çubarov çıqışta bulunacaqlar.
Qırım.Aqiqatnıñ «Sessiz sürgünlik» vesiqalı filmi qırımtatarlar Qırımdan nasıl sürgün etilgenini, Rusiye qırımtatarlarnı kene nasıl evsiz qaldırğanını köstere. Qırımtatarlar vatanlarını ne içün kütleviy sürette terk etmege mecbur olğanları aqqında. 1944 senesi sovet akimiyeti qırımtatarlarnı zorbalıqnen yük vagonlarında çıqardı, şimdi ise Rusiye Qırımnıñ tamır halqını evini terk etmege mecbur ete.
Film qaramanları ikâyelerini, Rusiye işğal etken Qırımdan nasıl ketkenlerini, ne yaşağanlarını, ne içün qalıp olamağanlarını, şimdi qayda ve nasıl yaşağanlarını ve Qırımğa qaytıp olacaqlarını tarif etti.
Çekimler Poloniya, Almaniya, Belçika, Türkiye, Ukrayina ve işğal etilgen Qırımda keçti. Filmde film qaramanlarınıñ şahsiy arhivlerinden unikal kadrlar qullanıldı, olarnıñ bazıları ilk sefer derc etile.
Film müellifleri: Anjelika Rudenko – jurnalist-muarrir, Dmitriy Culay – rejisser-stsenarist, Nikita İsayko – operator, Elvina Seitbullayeva – prodüser.
Qırım.Aqiqat – Azatlıq Radiosı Ukrayına hızmetiniñ Qırım leyhası – 2014 senesi mart ayında, işğal başlağanınen ve Rusiyeniñ qanunsız Qırım ilhaqı vaqtında peyda oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
