"Sessiz ekspansiya" ya da sadece aldatma? Nege Rusiye OSCE oturışında Qırımnı muzakere ete

Mahsus Qırım.Aqiqat içün

İlhaq etilgen Qırımnıñ vekilleriniñ ​ OSCE-niñ insan ölçüsi ile bağlı er yıllıq muşaveresinde çıqışı, Rusiye diplomatiyasınıñ "sessiz ekspansiya"nıñ daa bir nümünesidir, bunıñ yardımınen o, halqara topluluq yarımadanıñ Rusiye statusını tanığanını istey.

Biri olmasa, başqası ola. Tanıma beyannamesinen olmasa - halqara meydançıqlarda Qırım vekilleriniñ çıqışlarınen razılaşmaqnen. Qırım memurlarını körmege istemeysiñizmi - "cemiyet vekilleri"ni diñleñiz. Belli olğanı kibi, "adiy adamlar"nıñ bir şeyde qabaatı yoq. Olarnıñ umumiy meseleleri bar, status munaqaşalarına dalmayıp, olarnı muzakere etmek kerek.

Er angi işğalciniñ eski ve teşkirilgen taktikasına oşay. Suv sorağan ğarip üşügen balağa qapını açmaq yeterli - artından evge, saiplerniñ altın-kümüş​ini qıdırğan bir sürü süyrip kelip.

İşğalci ketirgen "cemiyet vekilleri"ne yol açıñız - ve yarın, resmiy delegatsiyalarda çıqarıla bilmeycek Qırım memurları artlarından kelir, ve asıl - olar ayatiy bir meselelerni muzakere eteler.

Qırım memurlarına yol açıñız - ve yarın Moskova, Qırımnen halqara ava alâqalarını qaytarmasını talap etecek, çünki "adiy adamlar" uça da, bu olarnı cezalaylar, akimiyetni degil.

Avada halqara alâqalarnı açıñız - deñiz taşımaları ve kruizlerni qaytarmağa talap eterler, o da adamlar içün.

Bütün Ğazrbiy sanktsiyalardan tek bir hatıra qalğance, köz de yümip yetiştirmezsiñiz, Qırımnıñ özü ise - sesli beyanatlarsız olsa da, amma etraftaki dünya tarafından Rusiye Federatsiyasınıñ ayırılmaz qısmı kibi qabul etilecek.

Moskova, halqara meydançıqlarnı Qırımda öz nezaretiniñ, Qırımğa öz aqqınıñ ve Qırımda öz bulunmasınıñ isbatı kibi qullanğanda, ğaliba, buña ümüt ete.

Ukraina bu siyasetke tesirli ve devamlı qarşılıq köstermese, eminim, Rusiyeniñ muvafaqiyetine iç bir türlü keder etip olamaz.

«Fikir» rubrikasında bildirilgen fikirler, muelliflerniñ öz fikirlerini ifade ete ve muarririyetniñ noqtai-nazarını er vaqıt aks etmezler