Ukrayina Milliy Telükesizlik ve Mudafaa Şurasınıñ kâtibi Oleksiy Danılov, al-azırda 2022 senesi fevral adiseleriniñ tekrarlanması, yani Rusiyeniñ keniş mıqyaslı istilâsı mümkün degil, dep bildirdi. Bunı o Azatlıq.Radiosınıñ yaynında bildirdi.
"Memleketimizniñ 2022 senesiniñ fevralinde ve 2023 senesiniñ fevralinde farqlı vaziyettedir. Bundan ğayrı bunıñ şimdi nasıl olacağını bilmeymiz. Bugünde sıñırda tetikligimiz ve Silâlı quvetlerimizniñ tetikligi bam-başqa vaziyettedir", - dep qayd etti o.
Danılov şunı da qayd etti ki, bugünde-bugün Ğarp ortaqlarımıznıñ arbiy yardımı ile bağlı vaziyet de tamamınen başqadır.
"2022 seseni fevral ayında olğanı kibi artıq olmaz. Amma bu er bitti dep tüşünmek ve kevşemek içün sebep degil. Aksine, daa ziyade azırlanmalımız, birdem olmalımız ve yañı telükelerge azırlanmalımız. Şunıñ içün bu cenk, duşman ise yaman niyetli", - dep qoştı o.
Evel Bloomberg neşri öz maqalesinde Rusiye yañı ücümge azırlanğanı aqqında yazdı.
Yanvar ayınıñ başında Oleksiy Danılov Rusiye fevral ayında çatışmanıñ kerginleşmesine azırlanğanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
