Link açıqlığı

Saatnıñ esas haberi

Qırımlı Servet Gaziyev mahkemede yaramadı. Rusça laf etmesini talap eteler – advokat


Servet Gaziyev

Cumaaqşamı künü, oktâbrniñ 28-nde, Rostov-na-Donu Cenübiy okrugınıñ arbiy mahkemesinde Aqmescitteki «Hizb ut-Tahrir davasınıñ» oturışuvı keçirildi. Mabüslerden biri Servet Gaziyev yaramadı.

Advokat Ayder Azamatovnıñ «Qırım birdemligi» birleşmesine bildirgenine köre, Gaziyev içün mahkemege acele yardım çağırıldı, ekimler oña ine urdı.

«Qadı Servet Gaziyev rusça bilgeni içün ileride acele yardım çağırılacağını advokat ya da diger mabüsler vastasınen degil, özü bildirmeli. Aks alda bunı reglament bozuluvı dep sayacaqlar, men ise bu reglament bozuluvı degil, çünki em özü, em advokat vastasınen bildire bile, dep ayttım. Reis qadı Servet Gaziyevni añlağan tilde laf etmege zorlaycaq ola. Men mında imayege ve mabüslerge qarşı bir basqı körem», – dep qayd etti advokat.

Advokat Lilâ Gemeci bildirgenine köre, Rostov-na-Donudaki №19 Vilâyetlerara verem hastahanesinde 61 yaşında qırımtatar siyasiy mabüsi Servet Gaziyevge qarşı zorbalıq qullanıldı.

Bundan soñ advokat Edem Semedlâyev Rostov vilâyetiniñ Tahqiqat komitetine ve prokuraturasına şikâyet berdi ve SİZOğa fizik ve maneviy işkence aqqında ariza berdi, dep bildirdi. Rusiyeniñ Rostov vilâyetindeki cemaat közetüv komissiyasınıñ reis muavini Natalya Merkulova «Hizb ut-Tahrir davasınıñ» mabüsi Servet Gaziyevni Rostov-na-Donudaki SİZO-5-te ziyaret etti, dep bildirdi. Onıñ alını «yaramay» körip, köteklengeni içün Rusiye Tahqiqat komitetine muracaat etmege tevsiye etti.

İyünniñ 28-nde Rostov-na-Donunıñ №1 tahqiqat izolâtorında Servet Gaziyev mikroinsult keçirdi. Sağ tarafı qısmen paraliç oldı.

2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen Rusiyede ve işğal etilgen Qırımda yasaqlanğan «Hizb ut-Tahrir» teşkilâtında iştirak etkeninde qabaatlanğan 24 faal tutulğan edi. Martnıñ 27-nde ve 28-nde Aqmescitniñ rayon mahkemesi bütün tutulğanlarnı apiske aldı.

«Memorial» aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımdaki «Hizb ut-Tahrir davaları»

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG