«Aynıñ soñki künleri haber aldıq – aqayım Server Mustafayev üç kün ceza izolâtorında (ŞİZO) yattı. Ve ŞİZOdan bir-eki künden soñ onı kamera çeşitli yerge eki ayğa qapatqanlar», – dep tarif etti.
Mayyeniñ tarif etkenine köre, martnıñ ekinci yarısında aqayı tutulğan koloniyada teşkerüv oldı.
«Bu komissiyanıñ hadimlerinden biri qırımtatarlarğa, dinimizge menfiy munasebetini kösterdi. Server çoq aytmadı, amma añlağanımızğa köre, bu hadim musulmanlarğa yaramay baqa, kerçek olmağan şeyler ayta, nefretini açıq-açıq köstere. Ve neticede aqayım Server ceza aldı ve 3 kün ŞİZOda edi, şimdi 2 ay qalacaq kamera tarzlı yerde buluna», – dep yazdı o.
Mayye qoşqanına köre, qırımtatar mabüsleri tutulğan diger Rusiye koloniyalarında da musulmanlarğa yañlış ve menfiy yanaşalar.
Server Mustafayev – «Qırım birdemligi» cemaat birleşmesiniñ koordinatorı. 2018 senesi tintüvlerden soñ uquq qoruyıcılar Server Mustafayev ve Edem Smailovnı apiske aldı.
2020 senesi sentâbrniñ 16-nda Rostov-na-Donudaki Cenübiy okrugınıñ arbiy mahkemesinde qırımlı aq qorçalayıcı 14 yılğa azatlıqtan marum etildi. Qabaatlar Bağçasaraydaki «Hizb ut-Tahrir davasına» ilâve etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
