Ukrayına istihbaratı deñiz dronlarınıñ «Sergey Kotov» Rusiye patrul gemisine yapqan ücüminiñ videosını kösterdi.
Gemige eñ az üç dron ücüm etti, soñra küçlü bir patlav oldı.
İstihbarat bildirgenine köre, gemi Keriç boğazı civarlarında bir qaç Magura V5 deñiz dronınen batırıldı.
Keriçte martnıñ 5-nde gece patlav sesleri eşitildi, Rusiyeni yarımadanen bağlağan Keriç köprü qapatıldı. Saba tahminen sekiz saattan soñ köpürde areket yañıdan başlatıldı. Al-azırda Rusiye akimiyeti gemi batqanını izaatlamay.
22160 leyhasınıñ diger gemileri kibi «Sergey Kotov» da model printsipine köre yapıldı: vazifege köre silâsını deñiştire bile, em darbe, em mudafaa işini yapa bile.
«Kotov» gemisinde X-35 raketaları ya da «Kalibr» raketaları olğan «Kalibr-K» modul raketa kompleksinen silâlandırıla bile. Bundan ğayrı, er bir patrul gemisinde 1 vertolöt Ka-27PS ya da Ka-29, ya da Ka-52K ve dörtke qadar uçucısız ola bile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
