Mektüplerniñ büyük qısmı mayısnıñ 30-ndan iyünniñ 2-ne qadar Kyivde keçirilgen «Knıjkovıy Arsenal» 12-nci halqara festivaliniñ ziyaretçileri tarafından ve Kyivniñ «Jovten» kinoteatrinde keçken 21-inci Docudays UA Halqara insan aqları vesiqalı kino festivali çerçivesinde yazıldı.
«Kyivde bu tedbirler vaqtında ziyaretçiler esirlerge 430 mektüp yazğanını aytmağa quvanamız. Ayat telükesine baqmadan, Ukrayına sadıqlığı içün 430 teşekkür. Siyasiy mabüslerge 430 kere unutılmağanları hatırlatıldı: ne akimiyet, ne de Ukrayına halqı. Zemaneviyliknen bağ coymamaq, olarnı beklegen adiy ayat ketişatını eşitmek içün 430 usul», – dep aytıla haberde.
Ukrayına prezidentiniñ Qırım Muhtar Cumhuriyetindeki temsilciligi «Serbest Qırımğa mektüpler» aktsiyası yılnıñ soñuna qadar uzaıldı, dep bildirgen edi.
Fevralniñ 19-nda Ukrayınada «Serbest Qırımğa mektüpler» aktsiyası başladı. Teşebbüs ukrayınalılar ve diger memleketlerniñ sakinlerini Rusiye qanunsız tutqan qırımlı siyasiy mabüslerge mektüp yazmasına çağıra. Maqsadı – Kremlniñ ukrayınalı reineleri aqqında hatırlatıp, olarğa qoltutqanını köstermek. Aktsiya mayısnıñ 19-na qadar devam etecek, dep planlaştırılğan edi.
Ukrayına Prezidentiniñ Qırım Muhtar Cumhuriyetindeki Temsilciliginiñ malümatına köre, 2024 senesi fevralniñ 19-nde Rusiyede 208 qırımlı siyasiy mabüs tutula, 125-i - qırımtatarıdır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
