Aktsiya mayısnıñ 19-na qadar devam etecek. Maqsadı – Kremlniñ ukrayınalı reineleri aqqında hatırlatıp, olarğa qoltutqanını köstermek. Teşebbüs teşkilâtçıları Ukrayına prezidentiniñ Qırım Muhtar Cumhuriyetindeki temsilciligi, Ukrayına PENi, ZMINA insan aqları merkezi, Ukrayınanıñ vaqtınca işğal etilgen topraqlarınıñ reintegratsiya meseleleri nazirligi olalar.
«Bundan ğayrı, lâqayt qalmağan insanlarnıñ mektüpleri memuriy apishaneler içün bir işaret ola, er bir Ukrayına vatandaşı müim ve cemaat tutuluv şaraitlerini köstergenini qayd ete», – dep bildire teşkilâtçılar.
Bazarertesi künü bu teşebbüske bağışlanğan matbuat konferentsiyası ötkerilecek. Teşkilâtçıları kampaniyağa nasıl qoşulmaq mümkün olğanını tarif etecek, Rusiyeniñ qırımlı reineleriniñ sayısını aydınlatacaq, bulunğan şaraitlerni ve ihtiyaclarını aytacaqlar.
Spikerler arasında:
- Larisa Denisenko, ukrayınalı yazıcı, advokat, aq qorçalayıcı, siyasiy mabüs Remzi Bekirovnıñ ambassadorı, Ukrayına PENi İcra şurasınıñ azası
- Anna Sitnikova, Ukrayına prezidentiniñ Qırım Muhtar Cumhuriyetindeki temsilciliginiñ «Qırım platforması» faaliyetini teminlev hızmetiniñ baş mesleatçısı
- Viktoriya Nesterenko, ZMINA insan aqları merkeziniñ leyha idarecisi
- Aleksey İlnitskiy, Ukrayına Tış işler nazirligi Siyasiy departamentiniñ müdir muavini.
Matbuat konferentsiyası «Ukraine Media Center – Ukrinform» informatsion agentliginde saat 11:00-de başlanacaq. Tedbir aktsiya teşkilâtçılarınıñ Facebook saifelerinde yayınlanacaq.
