Keçken sene oktâbr ayında Kalitko #SolidarityWords leyhası çerçivesinde siyasiy mabüsniñ elçisi oldı.
Şimdi Osman Arifmetov Rusiyeniñ Krasnoyarsk vilâyetiniñ Minusinskiy şeerinde apishanede buluna, anda yaramay aşayt sebebinden 22 kilogramm azdı. Erkek sert şaraitte tutula, oña telefon etüv yasaqtır, apishanedeki bütün makümlerge domuz etini bereler, qırımtatar diniy sebeplerden onı aşamay.
2019 senesi saban ayında Rusiye uquq qoruyıcıları Qırımda qırımtatar faalleriniñ, hususan "Qırım birdemligi" cemaat birleşmesi vekilleriniñ evlerini tintti. Umumen 24 insan tutuldı, aralarında vatandaş jurnalistleri Osman Arifmemetov, Rustem Şeyhaliyev, Remzi Bekirov. 2019 senesi saban ayınıñ 27-nde ve 28-nde Aqmescitteki Rusiye mahkemesi tutulğanlarnı apiske aldı.
"Memorial" aq qorçalayıcı merkezi 2019 senesi saban ayınıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
