"Serbest Qırımğa mektüpler" leyhası Qırım işğalden azat etilgenine qadar devam ettirilecek, dep bildirdi Ukrayina Prezidentiniñ Qırım Muhtar Cumhuriyetindeki Temsilciliginiñ informatsion temin etüv bölüginiñ reberi Yevğen Bondarenko fevralniñ 11-nde Ukrayina buhran media-merkezinde keçirilgen matbuat konferentsiyası vaqtında.
"Aktsiya 2023 senesi aprel ayında başlandı, işğalge qarşılıq kösterüvniñ on yıllığına tedbirler azırlanğanda, aktsiya yañıdan başlandı, aman-aman bir yıl devam etti. Bugün "Serbest Qırımğa mektüpler" aktsiyası Qırım işğalden qurtarılğanına ve bütün ukrayinalı siyasiy mabüsler azat etilgenine qadar devam etecegini ilân etemiz", — dep bildirdi Bondarenko.
"Qırım platforması" faaliyetini temin etüv hızmeti reisiniñ muavini Anna Sitnikova haber etkenine köre, 2024 senesi teşebbüs Rusiyede qanunsız tutulğan mabüsler içün 1800 mektüp toplağan. ZMINA insan aqları merkeziniñ leyhalar meneceri Viktoriya Nesterenko qoştı ki, 2024 senesi 25 cemaat tedbiri keçirildi, anda insanlar mektüp yaza bile ediler. Kitap forumları, matbuat turları, farqlı şeerlerde körüşüvler oldı.
"Serbest Qırımğa mektüpler" leyhasınıñ maqsadı — Kremlniñ ukrayinalı esirlerini hatırlatmaq, em de olarğa destek bildirmek. Bundan da ğayrı, mektüpler Rusiye apishaneleriniñ memuriyetlerine er bir Ukrayina vatandaşı müim olğanını ve cemiyet olarnıñ apishanede tutuluv şaraitlerini nezaret etkenini köstere.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
