"Azat Qırımğa mektüpler" teşebbüsi çerçivesinde ukrayin felsefecisi ve Ukrayina PEN prezidenti Vladimir Yermolenko Kremlniñ qırımlı mabüsi Ruslan Zeytullayevniñ mektübini oqudı. Bunı Prezidentniñ Qırım MC-deki Temsilciligi bildire.
Zeytullayev 10 yıldan ziyade devam etken apis cezası devamında bir qaç kere narazılıq olaraq açlıq ilân etti ve BMT-ge muracaat etti. Avropa parlamentiniñ deputatları qırımtatar içün çıqarılğan ükümni takbih ettiler.
"Siziñ de "Serbest Qırımğa mektüpler" teşebbüsine qoşulmaq ve Ruslanğa mektüp yazmaq, onıñ ikâyesini dostlarıñız ve abunecilerinen paylaşmaq, Rusiyeniñ sustırmağa tırışqanlarına qol tutmaq imkânıñız bar. Tirenüv devam ete!", — dep qayd ettiler Temsilcilikte.
2015 senesi qara qış ayında FSB hadimleri Zeytullayevlerniñ evine basıp kirdiler ve tintüvden soñ aile başını tuttılar. 2016 senesi Ruslan Zeytullayev Rusiye mahkemesi tarafından "Hizb ut-Tahrir" diniy teşkilâtınıñ bölügini qurğanında qabaatlanıp mahküm etildi.
2017 senesi oraq ayında Rusiye Yuqarı mahkemesi Zeytullayevniñ apis cezasını 15 yılğa qadar arttırdı. Buña cevap olaraq Aqyarlı açlıq ilân etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
