Link açıqlığı

«Separatizmge qarşı informatsion Merkez» Şarq ve Qırımda gazetalarnı basıp çıqarmağa başladı


Jurnalistler ve cemaat erbapları Ukraina Şarqı ve Cenübinde separatizmge qarşı tarqatılacaq gazetalarnı neşir etip başladılar. Bunı Azatlıq Radiosına bu leyhanıñ teşebbüsçilerinden biri, halq deputatı Oleksandr Doniy bildirdi. Böyle bir gazetalardan biri Qırımda endi çıqa – «Kerçek Qırım» neşiri. Rusiye tarafından işğal etilgen yarımadada mezkür gazetanıñ 150 nushası tarqatıldı. Bunıñnen beraber, «Kerçek Donetsk» ve «Kerçek Lugansk» gazetaları bar. Oleksandr Doniyniñ aytqanına köre, daa «Kerçek Odessa» ve «Kerçek Harkov» risaleleriniñ neşir etilmesi planlaştırıla. Leyha neşirniñ muarrirlik siyasetine kirişmegen «Mustaqil Avropalı Ukraina» deputatlar gruppası tarafından maliye etile.

«Bizler «Bizim toprağımız» separatizmge qarşı İnformatsion Merkezni» meydanğa ketirdik ve «Kerçek Qırım» gazetasını basıp çıqarmağa başladıq. Bu malümat – Rusiye kütleviy haber vastalarınıñ alternativası ola, Qırım sakinleri, em de Ukraina Şarqı ve Cenübinde kerçek sesini eşitsinler dep, neşir etile. Bu regionlarnıñ ukrainda oquğan sakinleri öyle de bizim tarafdarlarımız. Bizim maqsadımız – bundan evel ukrain neşirlerini oqumağan Ukraina Şarqı ve Cenübiniñ sakinlerine yardımcı olmaqtır. Yazıq ki, soñki bir buçuq ay devamında ne Ukrainanıñ bugünki ükümeti, ne Milliy havfsızlıq ve mudafaa Şurası böyle bir şey basıp çıqarmadı. Bizler bu leyhağa yardım etecek Donetsk, Lugansk, Odessa, Harkov jurnalistlerini ve meraqlanğan insanlarnı qıdıramız».

«Kerçek Qırım», em de «Kerçek Donetsk», «Kerçek Lugansk», «Kerçek Odessa» ve «Kerçek Harkov» regionlarda bedava tarqatılacaq.
XS
SM
MD
LG