Tanılmağan Qırım Cumhuriyetiniñ yolbaşçı vazifelesini eda etken, Qırımnıñ öz başına tayin etilgen baş naziri Sergey Aksönov halq deputatı, qırımtatarlarnıñ lideri Mustafa Cemilevniñ keçken raatlıq künleri yarımadağa qaytuvını provokatsiya olaraq tanıdı.
Aksönovnıñ beyanatı Qırım «ükümetiniñ» Facebooktaki resmiy saifesinde mevcut.
«Mesih Tirilüvi bayramı arfesinde yalıñız iblisler açuvlana. Pravoslav hristianlar içün muqaddes kün arfesinde kelgen ve mında qalabalıq yapacaq olğanlar medeniyet, urf-adetlerni ürmet etmeyip, er angi bir memleketniñ ürmetsiz vatandaşdırı», – dep ayttı Aksönov.
O, emin ki, Cemilev Qırımğa kelip, provokatsion vaziyetni meydanğa ketirecek ola.
«Onıñ bu şahsiy arzusı maddiy menfaatlarınen bağlı. Er kes onıñ ğarbiy mahsus hızmetlerine alâqasını bile. Şu sebepten, biz añlaymız ki, oña Qırımdaki vaziyetni kerginleştirmege avale ettiler», – dep bildire Aksönov.
Onıñ aytqanına köre, iç bir kimse qırımtatarlarnı ne referendum arfesinde, ne de ondan soñ sıqıştırmadı. Onıñ içün böyle bir beyanat ve areketler içün sebep yoq. Aksönov slavânlar adından Cemilevni takbih etti.
«Qırımtatarlar Rusiye cemiyetine serbest bağlanılar ve, eminim, boş beyannameler ve kerçek areketler arasında farqnı köreler. Eminim, qırımtatarlarnıñ çoqusı Mustafa Cemilevniñ areketlerine qıymet kesip, slavânlarnen beraber olarnı provokatsiya olaraq tanıy», – dedi Aksönov.
O, Cemilev ve onıñ tarafdarlarını şimdi Qırımda uküm etken Rusiye Federatsiyasınıñ qanunlarınen qorquza.
«Bizler Rusiye Federatsiyasınıñ qanunlarına boysunamız ve olarnı iç bir kimsege bozmağa imkân bermeycekmiz. Qırım Cumhuriyetiniñ akimiyeti siyasiy qoqlalar, şu cümleden belli bir müddet devamında para qazanmaq maqsadınen areket etken Mustafa Cemilev tarafından qorquzuv ve şartlarğa çıdamaycaq. Çatışmalarğa yol berecekler Rusiye Federatsiyasınıñ qanunları boyunca cevap berecekler», – dep qayd etti öz başına tayin etilgen baş nazir.
Cumaertesi künü Mustafa Cemilevniñ maşinasını Ermeni Bazarda yarımadanıñ memuriy sıñırından yibermey ediler. Onıñ adı Qırımda bulunması istenilmez insanlar sırasına kirsetildi eken. Cemilevnen beraber Qırımtatar Milliy Meclisiniñ reisi Refat Çubarov bar edi.
Qırımtatar milliy ve Ukraina bayraqlarınen aman-aman 30 maşina Qırım ve Ukraina sıñırında qırımtatarlarnıñ liderlerini bekledi.
Cemilev ve Çubarov 40 daqqa devamında sıñırda bulundılar. Cep telefon vastasınen keçirilgen devamlı subetlerden soñ qırımtatar liderlerini kirsetmege qarar alındı. Neticede Qırımnıñ Ukraina ile memuriy-territorial sıñırını nezaret etken şahslar Mustafa Cemilev ve Refat Çubarovnıñ pasportlarını qaytarıp, oğurlı yollar tilediler.
Aksönovnıñ beyanatı Qırım «ükümetiniñ» Facebooktaki resmiy saifesinde mevcut.
«Mesih Tirilüvi bayramı arfesinde yalıñız iblisler açuvlana. Pravoslav hristianlar içün muqaddes kün arfesinde kelgen ve mında qalabalıq yapacaq olğanlar medeniyet, urf-adetlerni ürmet etmeyip, er angi bir memleketniñ ürmetsiz vatandaşdırı», – dep ayttı Aksönov.
O, emin ki, Cemilev Qırımğa kelip, provokatsion vaziyetni meydanğa ketirecek ola.
«Onıñ bu şahsiy arzusı maddiy menfaatlarınen bağlı. Er kes onıñ ğarbiy mahsus hızmetlerine alâqasını bile. Şu sebepten, biz añlaymız ki, oña Qırımdaki vaziyetni kerginleştirmege avale ettiler», – dep bildire Aksönov.
Onıñ aytqanına köre, iç bir kimse qırımtatarlarnı ne referendum arfesinde, ne de ondan soñ sıqıştırmadı. Onıñ içün böyle bir beyanat ve areketler içün sebep yoq. Aksönov slavânlar adından Cemilevni takbih etti.
«Qırımtatarlar Rusiye cemiyetine serbest bağlanılar ve, eminim, boş beyannameler ve kerçek areketler arasında farqnı köreler. Eminim, qırımtatarlarnıñ çoqusı Mustafa Cemilevniñ areketlerine qıymet kesip, slavânlarnen beraber olarnı provokatsiya olaraq tanıy», – dedi Aksönov.
O, Cemilev ve onıñ tarafdarlarını şimdi Qırımda uküm etken Rusiye Federatsiyasınıñ qanunlarınen qorquza.
«Bizler Rusiye Federatsiyasınıñ qanunlarına boysunamız ve olarnı iç bir kimsege bozmağa imkân bermeycekmiz. Qırım Cumhuriyetiniñ akimiyeti siyasiy qoqlalar, şu cümleden belli bir müddet devamında para qazanmaq maqsadınen areket etken Mustafa Cemilev tarafından qorquzuv ve şartlarğa çıdamaycaq. Çatışmalarğa yol berecekler Rusiye Federatsiyasınıñ qanunları boyunca cevap berecekler», – dep qayd etti öz başına tayin etilgen baş nazir.
Cumaertesi künü Mustafa Cemilevniñ maşinasını Ermeni Bazarda yarımadanıñ memuriy sıñırından yibermey ediler. Onıñ adı Qırımda bulunması istenilmez insanlar sırasına kirsetildi eken. Cemilevnen beraber Qırımtatar Milliy Meclisiniñ reisi Refat Çubarov bar edi.
Qırımtatar milliy ve Ukraina bayraqlarınen aman-aman 30 maşina Qırım ve Ukraina sıñırında qırımtatarlarnıñ liderlerini bekledi.
Cemilev ve Çubarov 40 daqqa devamında sıñırda bulundılar. Cep telefon vastasınen keçirilgen devamlı subetlerden soñ qırımtatar liderlerini kirsetmege qarar alındı. Neticede Qırımnıñ Ukraina ile memuriy-territorial sıñırını nezaret etken şahslar Mustafa Cemilev ve Refat Çubarovnıñ pasportlarını qaytarıp, oğurlı yollar tilediler.
