Venetsian film festivalinde üç ukrain filmi taqdim etilecek. Olarnıñ arasında: Qırımlı ukrain rejissörı, sabıq siyasiy mabüs Oleg Sentsovnıñ «Nosorog» filmi. Bunıñ aqqında malümat festivalniñ saytında bar.
Bundan ğayrı daa Valentin Vasânoviçniñ "Blik" ukrain filmi taqdim etilecek. Esas programmada yer alacaq. Petro Karekeşniñ "Tsenzorka" ve Sentsovnıñ filmi "Ufuqlar" programmasında numayış etilecek.
Falmlerniñ taqdim tedbiri aqqında malümatnı Sentsov ve Vasânoviç de yayınladılar.
"Nosorog" filminiñ taqdisi aqqında Sentsov Qırım.Aqiqatqa bildirgen edi.
Hatırlatamız, Sentsovnıñ "Nosorog" filmi EURIMAGES fondu tarafından 270 biñ maliyeviy yardım aldı.
Sentâbrniñ 7-nde deñişim çerçivesinde rusiyeliler tutqan 35 ukrainalı Ukrainağa qayttı, Rusiyege Ukrainada çeşit cinayetlerde, şu cümleden Vatanğa hainlik yapqanında qabaatlanğan 35 Rusiye ve Ukraina vatandaşı teslim etildi. Oleg Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç ve 2018 senesi noyabrde zapr etilgen 24 deñizci azat etildi.
