Rusiye apsinden azat etilgen qırımlı ukrain rejissöri Oleg Sentsov fevralniñ 3-ünde eki ayğa tevqif etilgen iş adamı Oleg Sentsovnıñ apis etilmesini tefsir etti.
Sentsov olğan adisege iş adamnıñ 2014-ünci yılda Qırımnıñ ilhaqına ve "Rusiye kerçeklerine" qol tutqanı içün bir cevaptır, dedi.
"Endi cevap bermege vaqıt keldi, ve yalıñız onıñ içün degil. Er keske aytılğan masallarğa oşamağan Rusiye kerçeklerinen qarşılaşqan soñ, qırımlılarnıñ çoqusınıñ közü qayttı", - yazdı Sentsov Facebookta.
Fevralniñ 3-ünde Rusiye nezaretindeki Qarasuvbaza mahkemesi "Taygan" parkında tişlengen turist Olga Solominanıñ davası boyunca oturışta Qırım iş adamı Oleg Zubkovnı apis etti.
Advokat Arman Petrosan, ketmemezlik senetiniñ eki aylıq tevqifine deñiştirilgeni qanunsız, dedi.
2018 senesi iyülde “Taygan” parkında arslan turist Olga Solominanı tişlegen. Qadınıñ aytqanına köre, “Taygan” müdiri Oleg Zubkov o yerde edi, amma arslannı birden tınçlatıp olamadı.
Zubkov ise, Solomina sarğoş olıp, arslanğa qaşanğanğan ve bunıñ içün ayvan onı tişlegen, dep ayta.
