Canadada ülkeniñ baş naziri Justin Trudeau Rusiye apsinden azat etilgen qırımlı ukrain rejissöri Oleg Sentsovnen körüşti. Trüdonıñ özü içtimaiy ağlarda yazğanı kibi, körüşüvde qanunsız apis etilgen adamlarnıñ taqdiri muzakere etildi.
"Biz onıñ (Oleg Sentsovnıñ - QA) mazlumlarnıñ ve qanunsız apis etilgenlerniñ aqları oğrunda küreşi aqqında laf ettik. Canadanıñ Ukraina suvereniteti ve territorial bütünligine deñişmez destegini tasdıqladım", - körüşüvden fotonı derc etip, yazdı Facebookta Trüdo.
Canada baş nazirinen selfinen Sentsovnıñ özü de içtimaiy ağlarda paylaştı.
2020 senesi yanvarde Canada Qırımda Rusiye yerli saylavlarınıñ keçirilüvine alâqası olğan altı insanğa qarşı sanktsiyalarnı kirsetti. Sanktsiya cedveline bu şahıslar kersetilgen: rusiyeli Aqyar saylav komitetiniñ reisi Sergey Danilenko, onıñ müavini Lidiya Basova ve saylav komitetiniñ kâtibi Yekaterina Pırkova, bundan ğayrı Aqyardan Rusiye Federatsiya Şurasınıñ azası Yekaterina Altabayeva, rusiyeli Aqyar parlamentiniñ reisi Vladimir Nemtsev ve şeerniñ başı Mihail Razvojayev.
