Vilnüste noyabr 10-unda "Azat Rusiye" forumı sekizinci sefer toplanacaq, anda sabıq siyasiy mabüs, ukrain rejissör Oleğ Sentsov çıqışta bulunacaq.
Bunı tedbir teşkilcileri bildire.
Olarnıñ malümatına köre, Forumnıñ esas mevzuları: "Putin rejiminiñ repressiv praktikaları ve "devlet içındeki siyasiy vaziyetniñ ve muhalefetniñ strategiyasınıñ talili".
Forumda Rusiye bölgelerinden cemaat faalleri, esas muhalefet teşkilâtlarınıñ ve narazılıq gruppalarınıñ vekilleri, siyasetçiler ve cemaat erbapları, halqara ekspertler, bloger ve jurnalistlerniñ iştirak etecegi bildirile.
Spikerlerniñ arasında: siyasetçi Garri Kasparov, uquq qoruyıcı, "İnsan aqları oğrunda" areketniñ reberi Lev Ponomaröv, siyasetçi İlya Ponomaröv, sabıq siyasiy mabüs Oleğ Sentsov ve başqalar.
"Azat Rusiye forumı" - daima çalışqan meydançıq, onıñ baş maqsadı - yañı, Avropa Rusiyesi qurulması içün şimdiki Rusiye rejimine intellektual alternativa qurmaq. Tedbir yılda eki kere keçirile.
