Link açıqlığı

Saatnıñ esas haberi

Sentsov, Cemilev, Usik ve Aliyev: «Fokus» 100 «eñ itibarlı ukrainalını» aydınlattı


Oleg Sentsov

«Fokus» ukrain mecmuası 2019 senesiniñ 100 «eñ itibarlı ukrainalını» ayttı.

Berilgen malümatqa köre, Rusiye apishanesinden azat etilgen ukrainalı rejissör Oleg Sentsov reytingniñ 45-inci yerini aldı.

Qırımtatar halqınıñ lideri, Ukraina halq deputatı Mustafa Cemilev cedvelde 66-ncı yerde kete.

Ukrainalı boksçı, qırımlı Aleksandr Usik reytingde 76-ncı yerde buluna.

Cedvelge ukrainalı rejissör Nariman Aliyev (90) de kirsetildi. O, bu yıl Donbastaki cenkte elâk olğan oğlunı defin etmek içün işğal etilgen Qırımğa qaytmağa tırışqan qırımtatar baba ve oğlu aqqında ikâye etken «Evge» filmini taqdim etti.

Bu sene «Fokus» versiyasına köre «eñ itibarlı» birinci on kişi: prezident Volodımır Zelenskıy, Prezident ofisiniñ yolbaşçısı Andriy Boğdan, oligarh İgor Kolomoyskiy, baş naziri Oleksiy Ğonçaruk, baş prokuror Ruslan Râboşapka, Ukraina telükesizlik hızmetiniñ reisi İvan Bakanov, Yuqarı Rada spikeri Dmitriy Razumkov, İç işler naziri Arsen Avakov, oligarh Rinat Ahmetov, Zelenskıynıñ mesleatçısı Sergey Şefir.

XS
SM
MD
LG