Rusiye esirliginden azat olğanından bir afta keçken soñ, ukrain rejissör, qırımlı Oleğ Sentsov, o, Rusiye türmelerdinde bulunğanı vaqtında, Ukrainada olıp keçken vaqialarnıñ talilinen paylaştı.
"Azat olğanımdan soñ bir afta keçti. Maña, vaqıt maşnasınen 2014 senesinden kelgen adamğa kibi, memlekette ve adamlarda olğan deñişmelerni baqmağa meraqlı edi. Bir afta - qısqa müddet, ebet, amma men endi çoq yerde oldım, çoq adamnen qonuştım. Şimdilik eki neticem bar: Beş yıl içinde çoq şey deñişmedi. Er kes er kesnen cenk ete", - yazdı sentâbr 16-sında saba Facebook saifesinde Sentsov.
O, bu neticeler onı "muğaytqanını" yazdı. "Bizde Putin olğance, nasıl bir-birimizge duşmanlıq ete bilirik? Amma yahşılıqqa ümütlerimni coymayım. Aftañız hayırlı olsun. Ukrainağa şan-şüretler!", - dep qoştı i.
Sentâbrniñ 7-nde Ukraina ve Rusiye arasında tutulğanlarnı deñişim kerçekleştirildi. 35 ukrainalı ile uçaq «Borıspil» Kyiv ava limanında qondı. Oleğ Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç ve 2018 senesi noyabrde zapr etilgen 24 deñizci azat etildi.
