"Qırımda böyle bir şiar bar: Vatanıñda yaşa! Men ayttım: bu yahşı bir şiardır, amma yaşayışnıñ farqlı yolları bar. İşğalcilerge boyun egerek, yavaştan. Amma diger bir yol da bar — insan milliy menligini saqlap. Bu daa telükeli, amma bu ekinci yol — eñ doğru yol. 2014 senesine baqqanda qırımtatarlardan kollaborantlarnıñ sayısı artmay. Çünki halq arasında red etüv bar. Olarğa qol uzatmaylar, olarnen bir sofrağa oturmaylar", — dep ayttı Cemilev.
Onıñ aytqanına köre, Viktor Yanukoviçniñ Ukrayina prezidenti vazifesine saylanğan soñ, o, "bütün apparatnı (Qırım akimiyetini - QA) "temizley edi, qırımtatarlardan temizley edi".
"Olarğa "Meclis azaları" dey ediler. O, olarnı rus ya da ozü begengen qırımtatarlarğa deñiştirdi. Yanukoviçniñ predentligi vaqtında kelgenlerniñ episi kollaborantlar. Mında şantaj ve para qullanıla. Farqlı şekillerde: kimge ne tesir ete. Ğayelş motivatsiya, elbette, yoq ve olamaz", — dep yekünledi qırımtatar halqınıñ lideri.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
