Berilgen malümatqa köre, bu ücümler vaqtında Rusiye quvetleri Kıyevge qarşı çeşit türlü 1,600-den ziyade silânı qullandı:
- 1 300-den ziyade pilotsız uçqan cıhaz;
- 200-den ziyade qanatlı raketa (X-101/X-59/X-69/İskander-K/Kalibr);
- 24 ballistik raketa (İskander-M/KN-23);
- 22 "Kinjal " aeroballistik raketa;
- 7 "Tsirkon" süper sesli raketa.
"Kıyivge eñ büyük ücüm qarışıq darbe oldı, onıñ neticesinde duşman aynı vaqıtta 78 zarar berüv vastasını qullandı, olardan 49-ı X-101 raketa ve 10 "Kınjal" aeroballistik raketa ... bu raketalar, dronlar sakinlerimizni öldürdi ve evlerimizni viran etti. 2024 senesi Rusiye Kıyivde aman-aman 550 mesken evni bozdı. Aman-aman 120 insan evsiz qaldı", — dep yazdı telegramda Serğiy Popko.
Kıyiv şeeriniñ arbiy memuriyetiniñ malümatına köre, 2023 senesi Rusiye ordusı Kıyivge 73 ava ücümini yaptı, olarnıñ devamında 800-den ziyade zarar etüv vastası qullanıldı, olardan 50-den ziyade ballistik ve aerobalistik raketa, 260-dan ziyade çeşit qanatlı raketa ve aman-aman 500 urba pilotsız uçqan cıhaz qullanıldı.
Rusiye arbiyleri Ukrayina regionlarına çeşit silâlarnen muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
