2022 senesi işğal etilgen Qırımda qırımlı siyasiy mabüslerniñ eñ az altı iskence adisesi qayd etildi, dep haber ete "Qırım SOS" uquq qoruyıcı teşkilâtı.
"2022 senesi devamında iskence faktları eñ az altı qırımtatar siyasiy mabüsine nisbeten qayd etildi. Enver Kroş ve İrına Danılovıç yaqalanğan soñ iskencege oğratıldı. İrını Danılovıçnı mahkeme oturışına köçürme zamanı da köteklediler. Rustem Osmanov, Ruslan Abdurahmanov, Yaroslav Juk ve Öleksey Kısılev işğal etilgen tolpraqlarda yaqalanğan soñ iskencege oğratıldılar", - dep atıp berdi "Qırım SOS" talilcisi Yevgen Yaroşenko.
Uquq qoruyıcılarınıñ bildirgenine köre, qırımlı siyasiy mabüsler merametsiz ve insanitesiz munasebetten de zarar köreler. Şu cümleden, yaqalanğan kişilerge kerekli tibbiy yardım kösterilmey. Bundan sebep 2023 senesi fevral ayında eki qırımlı siyasiy mabüs ölgen: Konstantin Şiring ve Cemil Gafarov.
Ukrayin uquq qoruyıcıları defalarca Rusiyeni bütün siyasiy mabüslerni deral azat emege çağırğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
