2014 senesi fevral 26 tarihlı miting. Qırım. Nasıl edi (fotogalereya)

Yedi yıl evel, 2014 senesi fevralnıñ 26-nda, Aqmescitte Qırım parlamentiniñ binası yanında ukrain ve rus tarafdarı faaller iştirak etken büyük miting olıp keçti. Ukrain tarafdarı faalleri, şu künü parlament toplaşuvında Qırım statusı aqqında referendum keçirilmesi aqqında mesele baqılmamasını istey ediler. O vaqıt Aqyarda miting vaqtında, şeer başı Vladimir Yatsubanıñ yerine Rusiye "halq şeer başı" Aleksey Çalıy endi "tayin etilgen" edi.

Aqmescitte vaqialar aynı şekilde ola bilir edi. Amma mitingte iştirak etken Ukraina tarafdarları, Qırım parlamenti toplaşuvınıñ başqa künge qaldırılmasına iriştiler. Toplaşuv ertesi künü, fevralnıñ 27-nde olıp keçti. Rusiye arbiyleri tarafından zapt etilgen binada deputatlar neticede Qırımnıñ işğal etilmesi içün sebep olğan "referendum" keçirilmesine rey berdiler.

Qırım parlamenti yanında olıp keçken miting tarihqa Qırımnıñ Rusiye işğaline qarşı tirenüviniñ başlanması kibi kirdi. 2016 seneden başlap fevralnıñ 26 Ukrainanıñ resmiy tarihlar taqvimine "Qırımnıñ Rusiye işğaline qarşı tirenüv künü" kibi kirsetilgen.

Kyivde işğalniñ yedinci yılına bağışlanğan sergi olıp keçecek. Bu sergide Qırım.Aqiqatnıñ materialları taqdim etilecek. Anda arhivden video ve foto materiallar olacaq.

Bu fotogalereyada biz Aqmescitte Rusiye işğaline qarşı büyük miting nasıl keçkenini hatırlaymız.

(Fotogalereya ilk sefer 2017 senesi fevralnıñ 26-nda taqdim etilgen edi) ​