Felemenk ükümeti kelecek sene Ukrayinağa 2 milliard yevrolıq qoşma arbiy yardım kösterecek, dep bildirdi memleketniñ Mudafaa nazirligi.
Berilgen malümatqa köre, bu paranıñ büyük qısmı Kıyivge yapılacaq arbiy yardımğp ketecek.
"Böyle etip, Felemenk Ukrayina Ava mudafaasınıñ quvetleştirilmesine yardım etmege istey", - dep yazıla bildirmede.
Felemenk ükümeti öz yedeklerinden ticariy satın aluvlar vastasınen yardım etecek ola. Bundan ğayrı memleket Ukrayianıñ eski alına ketirilmesine yardımnı etmege ukrayinalı arbiylerniñ talimini devam ettirmege planlaştıra.
Evel Finlândiya Mudafaa nazirligi memleketniñ Ukrayinağa yañı mudafaa yardımı paketini berdi, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
