Link açıqlığı

Tahminen 10 biñ insan işğal etilgen Qırım ve antiterroristik ameliyatı keçirilgen Ukraina şarqiy regionlarını terk etmege mecbur oldı.

Bunı prezident memuriyetiniñ başı vazifelerini eda etken Andriy Sençenko «Pervıy natsionalnıy» telekanalınıñ efirinide bildirdi.

«Bizde bugün Qırımdan mecburen köçip kelgenlerniñ sayısı tahminen 9,5 biñ insandır, Putinniñ rejimi olarnı andan basıp çıqara, Donetsk vilâyetinden, elimde olğan malümatqa köre, bugün 530-550 insan çıqtı, Lugansk vilâyetinden tahminen 150 insan çıqtı», – dedi o.

Sençenko qaçaqlarnıñ sayısı artqanını ayttı. Onıñ sözlerine köre, köçip kelgenlerniñ Ukraina çeşit vilâyetlerinde vaqtınca yerleşüvi içün 42000 yer ayırılğandır.
XS
SM
MD
LG