Qırımnıñ Seyitler (Nijnegorskiy) rayonında 56 terekni qanunsız pıçtılar, dep bildire Kreml nezaretindeki Qırım prokuraturasınıñ matbuat hızmeti.
"Seyitlev - Qarasuvbaza maşna yolu boyu qanunsız terek pıçılması qayd etildi. Umumen, izin vesiqaları olmazdan, 56 terek yoq etildi, böylece, 200 biñ rublelik ziyan ketirildi", - denile beyanatta.
Prokuror teşkerüviniñ malümatını cinaiy dava açmaq içün tahqiqat komitetine yolladılar. Bu adisege köre, Rusiye Cinaiy Kodeksiniñ 260 maddesine (tereklerniñ qanunsız pıçuvı) binaen dava açılmaq kerek, dep qoştılar müessisede.
