Qısmiy seferberlik ilân etilgen soñ işğal etilgen Qırımdan askerlikke alınması mümkün olğan 6 biñ qırımtatarı ketti. Bu aqta Qırımtatar Milliy Meclisiniñ reisi Refat Çubarov NV neşiri içün maqalesinde yazdı.
«İstilâcı memleket qısmiy seferberlikni ilân etken soñ biñlernen qırımtatarı birden celpname aldı. Biz insanlarnı Rusiye işğalci ordusından uzaq turmalarına çağırdıq. Ve kerçekten, biñlernen erkek Qırımnı terk etti. Çoqusı qorantalarınen beraber ketti. 5-6 biñ insan aqqında aytamız», – dep yazdı Çubarov.
Onıñ aytqanına köre, ketkenlerniñ «pek zayıf vesiqaları bar», işğal vaqtında Ukrayına pasportlarınıñ keçirlilik müddeti bitti, bazıları ise Ukrayına çetel pasportlarını almadı. Şunıñ içün qırımtatarlar böyle pasportlarnı qabul etken memleketlerge ketti. «Böyle memleketlerden biri Qazahistan oldı, şimdi büyük qısmı Ukrayına vatandaşlarınıñ pasportlarını Ukrayına diplomatik temsilciliklerini aldı ya da ala», – dep haber etti Çubarov.
Martnıñ başında Qırım Ğayesi cemaat aq qorçalayıcı birleşmesi 30 biñ qırımtatarı Rusiye ordusına «qısmiy seferberlik» sebebinden Qırımnı terk etmege mecbur oldı, dep bildirdi. Qırım Ğayesi bıltır Rusiye ordusına barmama sebebinden 124 cinaiy dava açtı, dep haber ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
