Ukrayina telükesizlik hızmeti Rusiye Federatsiyasını işğal etilgen Qırım ile bağlağan Keriç köprüniñ muvafaqiyetli patlatılması aqqında bildirdi.
Berilgen malümatqa köre, ameliyat bir qaç ay devam etken, agentler tiremelerni minalağan ve ilk yaz ayınıñ 3-ne keçken gecesi, saat 4:44-te, birinci patlav cihazı işke tüşürgen.
"Suv astı tiremeleri tüp seviyesinde bayağı zarar kördi. Buña 1100 kg patlayıcı yardım etti. Aslında köpür fevqulâde vaziyette buluna", — dep aytıla haberde.
"Bundan evel biz Qırım köprüni eki kere urğan edik — 2022 ve 2023 seneleri. Bugün biz bu ananeni endi suv altında devam ettirdik. Rusiye Federatsiyasınıñ iç bir qanunsız obyektine devletimizniñ toprağında yer yoq. Şunıñ içün Qırım köprü tamamınen qanuniy bir nişan, hususan duşman onı öz ordusını temin etmek içün logistik arteriya olaraq qullanğanını köz ögüne alsaq", — dedi SBU başı Vasıl Malük.
Rusiye akimiyeti bu beyanatnı izaatlamadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
