Çetel acı musulmanlarına Saudiy Arabistanda koronavirus pandemiyası sebebinden olğan yasaqtan sekiz aydan soñ «ümre» yapmağa izin berildi. «Ümre» – musulmanlarnıñ Kâbe ve Mekkeni acılıq vaqtı olmağanda ziyaret etmesidir, dep bildire Azatlıq Radiosı.
Noyabrniñ 1-nden başlap tahminen 20 000 acı er kün Mekkedeki Mescid-i Haramğa kirsetilecek.
Çetel acıları COVID-19 ile küreş tedbirlerine, hususan Saudiy Arabistanğa kelgen soñ üç kün devamında izolâtsiyada qalmaq kerek.
Mescid-i Haramdaki Kâbe İslâmda eñ aziz yerlerden biri ola.
Cami kirişinde acılarnıñ sıcağı teşkerilecek, episiniñ maskası olacaq, elleri yuvulacaq ve yerdeki işaretler mesafe içün taqip etilecek.
Mart ayından berli koronavirus pandemiyası sebebinden Saudiy Arabistan acılarnı qabul etmey. Bıltır 19 mln acı «ümrege» bardı.
