«Sarı şerit» areketiniñ faalleri Yalta, Aqyar, Aqmescit ve Bağçasarayda yañı aktsiyanıñ keçirilüvi aqqında bildirip, bu şeerlerden Ukrayinağa qoltutuv timsallerinen levhalarını Telegram kanalında derc etti.
«Sarı şerit» areketiniñ faalleri Qırımda küreşni devam ettirip, Yalta, Aqyar, Aqmecit ve Bağçasarayda şerit ve levhalarnı tarqata. İşğal yıllarına baqmadan, ukrayinalılar ümütini coymay, Ukrayina Silâlı quvetlerine işana ve tuvğan şeer ve köylerde kene sarı-mavı bayraq dalğalansın dep, elinden kelgenini yapalar», – dep yazdı fotoresim altında faaller.
Derc etilgen fotoresimlerniñ doğrulığını teşkermek zor. Rusiye akimiyeti faallerniñ bu haberini şimdilik izaatlamadı.
«Sarı şerit» teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Simeiz, Balıqlava kibi kiçik şeerlerniñ sakinleri qoşula.