Stokgolmde “Qırım platforması” Dördünci parlament sammiti başlamazdan evel “Sarı şerit” areketiniñ faalleri bu tedbirgen bağışlanğan aktsiyanı işğal etilgen Qırımda ötkerdi. Fotoresimler areketniñ Telegram kanalında derc etildi.
“Sarı şerit” areketi bütün dünyağa Qırımdan selâm ayta. Bu bir Qırım – Ukrayina hatırlatuvıdır. Yüz biñlernen insan işğal bitmesini bekley. Şunıñ içün küreşni devam ettiremiz! “Qırım platformasında” Ukrayina vekillerine küç ve Ukrayina ve ukrayinalılarnıñ menfaatlarını qorumaq içün kene küç tileymiz. Sizge ümüt etemiz, çünki arqañızda qırımlılar, donetskliler, lugansklılar, Zaporijjâ ve Herson vilâyetleri vaqtınca işğal etilgen topraqlarınıñ sakinleri bar”, – dep aytıla fotoresim altındaki yazıda.
Rusiye akimiyeti ve uquq qoruyıcıları bu aktsiyanı şimdilik izaatlamadı.
Qırımnı işğalden azat etüv halqara meydanı («Qırım platforması») — Ukrayina akimiyetiniñ Qırım sakinleriniñ aqlarını qorçalav ve işğal etilgen yarımadanı işğalden qurtaruv boyunca Ukrayina ve halqara ortaqlarnıñ areketlerini koordinatsiya etmek içün muzakere platformasını meydanğa ketirüv teşebbüsi.
«Qırım platformasınıñ» birinci sammiti Kyivde 2022 senesi Hırvatistanda olıp keçti. 44 memleketten ve halqara institutlardan 55 delegat iştirak etti. Ekinci parlament sammiti Pragada keçti. O, 51 memleketten 66 vekilni topladı. Bıltır Latviyada keçirilden «Qırım platformasınıñ» ücünci parlament sammiti 70 eytten ziyade topladı.