Ukrayınağa qoltutqan «Sarı şerit» areketi bildirgenine köre, işğal altındaki Qırımda faallerniñ sayısı 3500 insan oldı. Bu aqta areketniñ Telegram kanalı bildire.
«Sarı şerit» areketiniñ faali olmaq – tek levha baylamaq ve yazuvlı şiar yapıştırmaq, graffiti sızmaq degil, insan aqları bozulğanını, duşmanlarnıñ ordusı aqqında malümatnı «Duşman» çat-botuna bermek. Ve Ukrayına ordusı Herson vilâyetiniñ Ukrayına Qırımı ile sıñırını keçecek vaqıtnı beklemek», – dep aytıla haberde.
Soñki aftaları Ukrayınanıñ qarşı ücümi aqqında daa çoq aytalar. Vaqtı ve yeri aqqında bir şey belli degil. Bazıları Kyivniñ maqsadı Donbas, digerleri ise Qırım ola, dep aytalar.
Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanov «Farqlı insanlar» YouTube kanalına intervyü berip, Qırımnıñ işğalden azat etilüvi diger Ukrayına topraqlarınıñ azat etilüvine oşaycaq, Rusiye tarafdarları ise yarımadanı terk etecek.
Qırımnıñ Rusiye yolbaşçısı Sergey Aksenov fortifikatsiya ve mudafaa sayesinde yarımadanı işğalden azat etip olamaz, dep bildirgen edi.
Mayısnıñ 10-nda Azatlıq Radiosınıñ leyhası olğan Qırım.Aqiqat jurnalistleri 2014 senesi Rusiye tarafından işğal etilgen Qırım yarımadasınıñ Rusiye Federatsiyasınıñ 223 çalışqan, muvaffaq ve qapalı arbiy obyektleriniñ haritasını derc etti.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
