«Sarı şerit» areketiniñ Telegram kanalında Aqmescit, Aqyar ve Yaltada Ukrayina tirenüviniñ timsalleri kene tarqatıldı dep, sentâbrniñ 4-nde bir fotoresim derc etti.
«Sarı şerit» areketiniñ faalleri Qırımda daa çoq tirenüv timsalini tarqattı. Yapıştırmalar ve şeritler park, mesken ev, alış-veriş merkezlerinde ve Aqmescit, Aqyar ve Yalta soqaqlarında peyda oldı. Er kün tirneyüv arta, insanlar Ukrayina Silâlı quvetlerini bekley ve Qırım Ukrayina olğanını bile!», – dep yazdı faaller fotoresim altında.
Derc etilgen fotoresimlerniñ doğrulığını teşkermek zor. Rusiye akimiyeti faallerniñ malümatını şimdilik izaatlamadı.
«Sarı şerit» teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Simeiz, Balıqlava kibi kiçik şeerlerniñ sakinleri qoşula.