«Sarı şerit» areketiniñ faalleri tünevin Qırımda 100-den ziyade Ukrayina tarafdarı risalelerini tarqatqanlarını bildirdi. Bu aqta areketniñ Telegram kanalında haber etildi.
Haberge köre, Yalta, Aqmescit ve Aqyar şeerlerinde yañı aktsiyalar dalğası olıp keçti.
«Sarı şerit» areketiniñ faalleri küreş devam etkenini hatırlattı: Yalta şeeriniñ Primorskiy parkında, Aqmescit kirişlerinde, soqaq, parklarda, işğalci idarelerniñ yanında – yazuvlı şiarlar ve levhalar er yerde peyda oldı», – dep aytıla faallerniñ fotoresim tübündeki yazuvlarında.
«10 yıllıq işğalge baqmadan, halqımız vazgeçmey, işğalcilerge qarşı tirenmege devam ete ve Ukrayina Silâlı quvetlerini bekley», – dep qoştı faaller.
«Sarı şerit» teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Semey, Balıqlava kibi kiçik şeerlerniñ sakinleri qoşula.
Areketniñ eñ belli aktsiyalarından biri - sarı şeritlerniñ asılması ve yarımadada «Qırım Ukrayinadır» yazısı ile plakatlarnıñ yapıştırılmasıdır. Yaqında faaller Boyko dağında Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
