Link açıqlığı

Saatnıñ esas haberi

Qırımda «Sarı şerit» areketiniñ faalleri bir afta içinde aman-aman 500 Ukrayına timsalini yerleştirdi (foto)


«Sarı şerit» areketiniñ timsali
«Sarı şerit» areketiniñ timsali

«Sarı şerit» areketiniñ faalleri keçken afta 130 Ukrayına graffitisini sızdı ve tahminen 300 sarı şerit – Rusiye işğaline tirenüv timsalini – bağladı, dep haber ete areketniñ Telegram kanalı.

«Soñki aftada Yalta, Aqmescit, Keriç ve Aluştadan 80-den çoq faal qoşuldı, olar 300 şerit bağladı ve 130 graffiti sızdı», – dep bildirdi faal.

«Sarı şerit» («Jovta striçka») Ukrayına areketi bildirgenine köre, «vaqtınca işğal etilgen Qırımda vatandaş tirenüvi quvetlerini arttıra». Teşkilât, yarımadada Ukrayına areketiniñ aman-aman 1000 faali buluna, dep qayd ete.Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG