«Sarı şerit» areketiniñ faalleri soñki dört künde Aqyar, Aqmescit, Yalta ve Keriçte 100-den çoq Ukrayına graffitisini yerleştirip, Rusiye ilhaqına tirenüv timsali olğan 300-den çoq sarı şeritni bayladı.
«Qırım – Ukrayınadır! «Sarı şerit» cemaat tirenüviniñ areketi daima arta. Soñki 4 künde Aqyar, Aqmescit, Yalta ve Keriçten 80 faal qoşuldı, olar tahminen 300 şerit baylap, 100 graffiti sızdı», – dep ayttı areket faalleri Telegram kanalında.
«Sarı şerit» («Jovta striçka») Ukrayına areketi bildirgenine köre, «vaqtınca işğal etilgen Qırımda vatandaş tirenüvi quvetlerini arttıra». Teşkilât, yarımadada Ukrayına areketiniñ aman-aman 1000 faali buluna, dep qayd ete.
Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
