«Sarı şerit» areketi bildirgenine köre, soñki ayda olarğa 100 yañı faal qoşuldı, areket Aqmescit, Aqyar, Yalta ve Bağçasarayda Ukrayina risaleleriniñ yañı fotoresimlerini derc etti.
«Sarı şerit» areketiniñ faalleri tirenmege devam ete. Soñki ayda bizge 100-den ziyade faal qoşuldı. Basqı ve cenkke baqmadan, tirenüv devam ete. Rusiye teşviqatı insanlarımıznı Ukrayinadan vazgeçtiremez. İşğal etilgen topraqlarnıñ sakinleri er kün dünyağa ukrayinalı olğanını isbatlay, işğal bitmesini ümütnen bekley», – dep aytıla haberde.
Fotoresimniñ kerçek olıp olmağanını teşkermek zor. Rusiye akimiyeti «Sarı şeritniñ» aktsiyalarını açıq şekilde izaatlamay.
«Sarı şerit» teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Simeiz, Balıqlava kibi kiçik şeerlerniñ sakinleri qoşula.