Kütleviy haber vastaları yerli sakinlerniñ şaatlıqlarına ve OSINT talilcileriniñ malümatına esaslanıp, noyabrniñ 3-ne keçer gecesi Ukrayina uçucısızları Saratov cermay zavodına ücüm etti, dep bildire. Resmiy haber ya da tasdıqlav şimdilik olmadı.
Bazarertesi kününe keçer gecesi cermay zavodı civarındaki patlavlar aqqında Saratov sakinleri haber etti, ASTRA telegram kanalı buña diqqat ayırdı. Şeerde sirena oldı, ava limanı ise qapatıldı. Supernova+ Ukrayina kanalı darbe levhalarını derc etti. ASTRA ve Dnipro Osint leyhasınıñ talilcileri laf Saratov neft zavodına qarşı darbe aqqında ketkenini bildi.
Rusiye Mudafaa nazirligi bir gecede 60-tan ziyade Ukrayina uçucısızı urıp tüşürildi, 29-ı Saratov vilâyetinde, dep bildirdi.
“Rosneft” şirketine ait Saratov cermay zavodı soñki vaqıtları uçucısızlarnıñ darbelerine oğray, bundan evel oktâbrniñ 16-nda ücüm aqqında haber etilgen edi.
