Ukrayina tirenüviniñ timsalleri Aqmescit, Yalta ve Keriçte peyda oldı, dep iddia ete areket.
"Sarı şerit" areketiniñ faalleri vaqtınca işğal etilgen Qırım MC şeerleriniñ soqaqlarını sarı şeritler ve vatanperverlik kartları ile yaraştırmağa devam eteler. 10 yıllıq işğal Qırım Ukrayina olğanını deñiştirmey!", - dep yazıla bildirmede.
Daa evel "Sarı şerit" Qırım parlamentiniñ binası yanında "ukrayin muqavemetiniñ" timsalleriniñ fotoresimlerini köstergen edi.
«Sarı şerit» teşkilâtı – Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areketniñ teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa Semey, Balıqlava kibi kiçik şeerlerniñ sakinleri qoşula.
Areketniñ eñ belli aktsiyalarından biri - sarı şeritlerniñ asılması ve yarımadada «Qırım Ukrayinadır» yazısı ile plakatlarnıñ yapıştırılmasıdır. Yaqında faaller Boyko dağında Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
