Aqmescitte "Sarı şeriti" faalleri soñki dört kün içinde Rusiye saylav teşviqatınıñ biñden ziyade levhasını yaqtı. Bu aqta areketniñ telegram kanalında haber etile.
"Sarı şerit" areketiniñ faalleri yerli sakinlerniñ poçta qutularında qalğan raşistlerniñ yazmalarını yoq etmege devam eteler. Bir Aqmescitte soñki dört kün içinde qarar alıcılarnıñ gazetası ve saylav teşviqatınıñ 1000 nushası tutıp aldıq ve yaqtıq", - dep aytıla haberde.
Rusiye prezidenti saylavları 2024 senesi mart 15-17 künleri keçecek. Rusiye anayasasına kirsetilgen deñişmeler neticesinde Putin beşinci (ve altıncı) sefer prezident ola bile. O, ilk sefer vazifege 2000 senesi kirdi.
Resmiy olaraq Qırım yarımadası qısmı olğan Ukrayina, em de dünyanıñ çoqusı memleketleri ve halqara teşkilâtlar, şu cümleden BMT ve OSCE, Rusiye tarafından işğal etilgen (2014 senesinden başlap bugünge qadar) ukrayin topraqlarında keçirilgen saylavlarnı tanımay ve takbih ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
