Qayd etilgenine köre, aktsiya Aqmescit, Aqyar, Yalta, Kezlev, Keriç, Aluşta ve Ermeni Bazarda keçirildi.
"Kâğıt, patçlar, stikerler, yazılar —"Sarı şerit" areketiniñ faalleri Qırımnıñ ukrayin edi, olğanını ve olacağını hatırlatmaq içün er türlü vastalarnı qullanalar", — dep aytıla haberde.
Faallerniñ sözlerine köre, aktsiya "yüzlerce cesür ve küçlü insanlarnı" birleştirdi. "Biz vaqtınca işğal etilgen topraqlarda yaşağan millionlarnen ukrayinalınıñ sesimiz. Telükelerge baqmadan, biz: Ukrayina eñ qaranlıq vaqıtlarda bile birdem olğanını kösteremiz", — dep qoştılar arekette.
Yanvarniñ 16-nda "Sarı şerit" faalleri Aqmescit, Aqyar ve Kefede yañı aktsiyalarnıñ keçirilmesi aqqında haber etip, ukrayin tirenüviniñ timsallerinen yañı fotoresimlerni derc etken edi.
День Соборности Украины в украинском Крыму. Вспоминаем, как это было (фотогалерея)
"Sarı şerit" teşkilâtı — Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areket teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyeti eñ faal ola, hususan Aqmescit, Yalta, Kezlev ve Kefede, soñki vaqıtları ise olarğa küçük şeerlerniñ Simeiz, Balıqlava sakinleri qoşula.
Areketniñ eñ belli aktsiyalarından biri — sarı şeritlerniñ asılması ve yarımadada "Qırım Ukrayinadır" yazısı ile plakatlarnıñ yapıştırılmasıdır. Yaqında faaller Boiko dağında Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
