"Sarı şerit" areketiniñ faalleri işğal etilgen Qırımda yarımada yalısında fistihkamlarnıñ qurulması içün kütleviy şekilde terekler kesilgenini qayd ettiler.
"Yerli sakinler, işğalcilerniñ noqtalarını taqip etken tereklerni taşığan yük maşnaları aqqında defalarca bildirgen ediler. Raşistler ukrayin desantınıñ tüşmesinden qorqalar ve er angi fiyatnen öz mevamlarını pekitmege tırışalar", — dep aytıla haberde.
Yarımada işğal altında olğanı içün muarririyet mustaqil olaraq malümatnı tasdıqlap olamay.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
